WordPress.org

بابت ءَ

راز

رازداری ئے پالیسی

WordPress.org ءِ ویب سائٹ (اے دستاویز ءِ تہا یکجاہ “WordPress.org”) چہ ہما سائٹاں گشگ بیت کہ WordPress.org، ورڈپریس ڈاٹ نیٹ، ورڈ کیمپ ڈاٹ آر جی، بڈی پریس ڈاٹ آر جی، bbPress.org، ءُُ ایشی ءِ دگہ ہمگرنچیں ڈومین ءُُ ذیلی ڈومینانی سرا میزبانی کنگ بوتگ انت۔ اے رازداری ءِ پالیسی ءَ اے گپ ءِ سرا گپ جنگ بوتگ کہ WordPress.org ھرچ زانتکاری ءَ کہ شما مارا داتگ آ چوں کارمرز کنت ءُُ آئی ءِ رکھینگ ءَ کنت۔ ما اے گپ ءِ پدر کنگ ءِ ھاترا جزمیں کہ تئی رازداری ءِ رکھینگ بہ بیت۔ اگاں شما مارا WordPress.org ءِ وسیلہ ءَ ذاتی زانتکاری دات کن اِت گڑا شما اے گپ ءَ دلجم بوت کن اِت کہ اے ایوک ءَ اے رازداری ءِ بیان ءِ رد ءَ کارمرز کنگ بیت۔

ویب سائٹ ئے مہمان

گیشتریں ویب سائٹ آپریٹرز ءِ وڑا WordPress.org ہم ہما وڑیں غیر ذاتی شناخت ءِ زانتکاری ءَ یکجاہ کنت کہ ویب براؤزر ءُ سرور عام طور ءَ دستیاب کن انت، چوشکہ براؤزر ءِ ٹائپ، زبان ءِ ترجیح، حوالہ دیوکیں سائٹ ءُ ہر وزیٹر ءِ درخواست ءِ تاریخ ءُ وھد۔ WordPress.org ءِ غیر ذاتی شناخت ءِ زانتکاری ءِ یکجا کنگ ءِ مول ءُ مراد ایش انت کہ WordPress.org ءِ مہمان آئی ءِ ویب سائٹ ءَ چوں کارمرز کن انت۔ وھد وھد ءِ سر ءَ ، WordPress.org وتی ویب سائٹ ءِ کارمرد کنگ ءِ رجحانانی بابت ءَ رپورٹ شنگ کنگ ءَ ، چوش کہ ، مجموعی ءِ تہ ءَ غیر ذاتی شناخت ءِ زانتکاری ءَ شنگ کنت۔

WordPress.org انٹرنیٹ پروٹوکول (IP) ایڈریس ءِ وڑیں ممکنہ ذاتی شناخت ءِ زانتکاری ءَ ہم یکجاہ کنت۔ WordPress.org وتی زائرین ءِ شناخت ءِ ھاترا IP ایڈریساں کارمرز نہ کنت، البت، ءُ اے وڑیں زانتکاری ءَ شنگ نہ کنت، بید چہ ھما جاوراں کہ آ ذاتی شناخت ءِ زانتکاری ءَ کارمرز کنت ءُ شنگ کنت، چو کہ دیم ءَ بیان کنگ بوتگ۔

اطلاعات ذاتی شناخت ءِ جمع کنگ

WordPress.org ءِ لہتیں مہمان WordPress.org ءِ گوں ہما راہاں رابطہ کنگ ءِ فیصلہ کن انت کہ WordPress.org ءَ را ذاتی شناخت ءِ زانتکاری ءِ یکجا کنگ ءِ ضلورت انت۔ WordPress.org ءِ سرا جم بوتگیں زانتکاری ءِ کساس ءُُ دروشم ءِ سرا تعامل ءِ دروشم ءِ سرا بندوک انت۔ پہ مثال، ما چہ ھما مہماناں لوٹیں کہ مئے فورماں کارمرز کن اَنت کہ آ وتی کارمرز کنوک ءِ نام ءُ ای میل ایڈریس ءَ بہ دنت۔

ہر معاملہ ءِ تہا، WordPress.org اے وڑیں زانتکاریاں ہما جاہ ءَ یکجاہ کنت کہ وزیٹر ءِ WordPress.org ءِ گوں رابطہ ءِ مقصد ءِ پیلو کنگ ءِ ہاترا المی یا موزوں انت۔ WordPress.org ذاتی شناخت ءِ زانتکاری ءَ ابید چہ ھما ھال ءَ کہ دیم ءَ داتگ اِنت ، شنگ نہ کنت۔ ءُ زائرین مدام ذاتی شناخت ءِ زانتکاری ءِ سپلائی کنگ ءَ چہ انکار کن اَنت، اے انتباہ ءِ گوما کہ اے ایشاں ویب سائٹ ءِ گوں سیادی داروکیں لہتیں کارانی تہا ھوار بوھگ ءَ چہ رکینت کنت، چوش کہ ورڈ کیمپ ءِ ٹکٹ ءِ خریداری۔

WordPress.org ءِ سر ءَ جم کنگ بوتگیں درستیں زانتکاری GDPR ءِ قانون سازی ءِ رد ءَ کارمرز کنگ بنت۔

لہتیں ذاتی شناخت ءِ زانتکاری ءِ حفاظت

WordPress.org ممکنہ ذاتی شناخت ءُ ذاتی شناخت ءِ زانتکاری ءَ ایوک ءَ پروجیکٹ ءِ منتظمین ، کارمند ، ٹھیکیدار ءُ ہمگرنچیں تنظیماں شنگ کنت کہ (i) WordPress.org ءِ نیمگ ءَ کارروائی کنگ ءِ ھاتر ءَ یا WordPress.org ءِ وسیلہ ءَ دستیابیں سروسز ءِ دیم دیگ ءِ ھاتر ءَ اے زانتکاری ءَ زانگ لوٹیت ، ءُ (ii) کہ آہاں اے زانتکاری ءَ را دگہ WordPress.org ءَ شنگ نہ کنگ ءِ سرا تپاک کتگ۔ لہتیں چہ آ کارمنداں، پیمانکار ءُ ہمگرنچیں ادارہاں چہ شمئے وتی ملک ءَ در بوت کنت؛ WordPress.org ءِ کارمرز کنگ ءَ چہ شما اے وڑیں زانتکاری ءِ دیم دیگ ءَ رضامند اِت۔

WordPress.org کسے ءَ را بالقوه ذاتی شناخت ءُ ذاتی شناخت ءِ زانتکاری ءَ کرایہ یا فروخت نہ کنت۔ پروجیکٹ ءِ منتظمین، کارمند، ٹھیکیدار ءُُ ہمگرنچیں تنظیماں ابید، چو کہ بُرز ءَ بیان کنگ بوتگ، WordPress.org ممکنہ طور ءَ ذاتی شناخت ءُُ ذاتی شناخت ءِ زانتکاری ءَ ہما وہد ءَ شنگ کنت کہ قانون ءِ رد ءَ اے کار ءِ لوٹ کنگ بہ بیت، اگاں شما وتی زانتکاری ءِ شیئر کنگ ءِ اجازت ءَ بہ دئے ات، یا وہدے کہ WordPress.org ءِ نیک نیتی ءَ باور کنت کہ افشا کنگ ءِ ضلورت انت۔ WordPress.org، سیمی مردم، یا مزنیں کچے ءَ لس مھلوک۔

لہتیں WordPress.org سروسز ءُ ورک فلو AI ٹولز ءَ کارمرز کن انت کہ مئے ٹیم ءَ جمع کنگ ءِ جائزہ ، مواد ءِ اعتدال پسندی ، یا کمیونٹی پروگرام یا مراگشانی حمایت کنگ ءَ کمک بہ کن انت۔ اے آئی پروسیسنگ ءِ جاہ ءَ کہ انسان ءِ نگرانی ءَ بیت ءُُ درستیں گڈی پیسلہ انسانی جائزہ کار ءِ نیمگ ءَ کنگ بنت۔ اے پروسیسنگ ءَ تھرڈ پارٹی اے آئی سروس پروائیڈرز ءِ گوما ھمگرنچیں ڈیٹا ءِ بھر ءُ بانگ ھوار بوت کنت۔ لھتیں اے آئی ءِ کمک ءَ ورک فلو ویب سرچ ٹولز ھم کارمرز کن اَنت کہ آ جائزہ ءِ بھر ءِ رد ءَ تھرڈ پارٹی سرچ پروائیڈر ءَ ڈیٹا ءَ گوازینت کن اَنت۔

اگاں شما WordPress.org ویب سائٹ ءِ رجسٹرڈ کارمرز کنوک اِت ءُ وتی ای میل ایڈریس ءِ سپلائی کتگ گڑا WordPress.org کدی کدی شمئے دیم ءَ ای میل دیم دنت کہ شمئے نوکیں لیکہانی بابت ءَ بہ گشیت، شمئے رائے ءِ لوٹ بہ کنت یا بس شمئے دیم ءَ بہ کنت کہ WordPress.org ءُ مئے پروڈکٹانی بابت ءَ چے بوھگ ءَ اِنت۔ ما بُنکی ھساب ءَ وتی بلاگ ءَ اے وڑیں زانتکاری ءِ سر کنگ ءِ ھاترا کارمرز کنیں، پمیشکا ما اے وڑیں ای میل ءَ کم چہ کم کنگ ءِ توقع کنیں۔

اگاں شما مارا یک درخواستے دیم دئے اِت (مثال ءِ رد ءَ سپورٹ ای میل ءِ وسیلہ ءَ یا مئے رائے ءِ میکانزم ءِ وسیلہ ءَ)، ما ایشی ءَ شنگ کنگ ءِ حق ءَ داریں کہ مارا شمئے درخواست ءِ سرا ھاسیں چمشانک دیگ یا پسو دیگ ءَ کمک بہ کنت یا دگہ کارمرز کنوکاں حمایت کنگ ءَ کمک بہ کنت۔ WordPress.org ءِ وسیلہ ءَ ھما درستیں گامگیج زورگ بنت کہ آ چہ وتی ذاتی شناخت ءُ ذاتی شناخت ءِ زانتکاری ءِ غیر مجاز رسائی، کارمرز کنگ، بدلی یا ھلاس کنگ ءِ ھلاپ ءَ رکھینگ ءِ ھاترا معقول ءُ المی انت۔

ذاتی زانتکاری ئے کارمرز کنگ

ما ھما زانتکاری ءَ کارمرز نہ کنیں کہ شما اکاؤنٹ ءِ رجسٹریشن ءَ کن اِت، مئے مراگشاں بھر زور اِت، نیوز لیٹر رس اِت کن اِت، دگہ لہتیں سروسز کارمرز کن اِت یا دگہ وڑیں ورڈپریس اوپن سورس پروجیکٹ ءَ بھر زور اِت۔

ما شمئے ذاتی زانتکاری ءَ سیمی مردماں نہ بہا کنیں یا لیز ءَ نہ دئیں داں کہ مارا شمئے اجازت مہ بیت یا قانون ءِ رد ءَ اے کار ءِ لوٹ مہ بیت۔

ما ترا ای میل مارکیٹنگ کمیونیکیشن دیم دیگ لوٹیں کہ وھد وھد ءِ سر ءَ ترا دلچسپی یے بوت کنت۔ اگاں شما مارکیٹنگ ءِ سرا رضامندی داتگ گڑا رند ءَ شما آپٹ آؤٹ کن اِت۔

ترا ہر وھد ءَ اے حق است کہ تو مارا پہ مارکیٹنگ ءِ ھاتر ءَ گوں تو رابطہ کنگ ءَ بہ رکّین ئے۔ اگاں شما دگہ مارکیٹنگ ءِ ھاتر ءَ رابطہ کنگ نہ لوٹ اِت گڑا ای میل ءِ تہ ءَ ان سبسکرائب لنک ءَ کلک بہ کن اِت۔

اطلاعات شخصی کارمرد کنگ ءِ بنیاد قانونی .

ما چہ جھل ءِ کارروائی ءِ جاوراں یکے یا گیشتر ءِ سر ءَ تکیہ کن ایں:

  • مئے جائزیں مفادات چہ شمئے دیم ءَ زانتکاری ءُ ھزمتانی موثریں رسگ ءَ؛
  • صریح رضامندی کہ تو داتگ؛
  • قانونی زمہ واری ءِ سرا ات۔

ڈیٹا ئا سر بیغ

شما حق داریت کہ ما شمئے باروا وتی دست ءَ داروکیں زانتکاریانی کاپی ءِ لوٹ بہ کن اِت۔ اگاں شما وتی لھتیں یا سرجمیں زاتی زانتکاریانی کاپی لوٹ اِت گڑا اے بہر ءِ گُڈّی ھدایتانی سرا عمل بہ کن اِت۔

ورڈ کیمپ ءِ حاضرین ءِ داتگیں درستیں ڈیٹا ءَ حاضرین ءِ نیمگ ءَ رسائی ٹوکن URL ءِ وسیلگ ءَ چارگ ءُ بدل کنگ بیت کہ سوبمندیں ٹکٹ ءِ گرگ ءِ تصدیق ءِ ھاتر ءَ ای میل کنگ بیت۔

WordPress.org ءِ کارمرز کنوک ءِ اکاؤنٹاں اے گامگیجاں چہ ترمیم کنگ بیت کنت:

  1.  https://login.wordpress.org/ ءَ سر بہ بئے ءُ وتی کارمرز کنوک ءِ نام ءُ رمز ءَ نبشتہ بہ کن۔
  2. ترا https://profiles.wordpress.org/your_username. ءِ نیمگ ءَ دیم دیگ بیت۔
  3. وتی کارمرز کنوک ءِ نام ءِ کش ءَ “ترمیم” ءِ لنک ءَ کلک کن اِت۔

اگاں شما وتی اکاؤنٹ ءِ ڈیٹا ءِ رسائی ءِ لوٹ کنگ لوٹ اِت گڑا اے گامگیجاں بہ زیر اِت:

  1. https://wordpress.org/about/privacy/data-export-request/ ءِ تر ءُ تاب ءَ بہ کن اِت۔
  2. وتی ای میل ایڈریس ءَ درج کن اِت۔
  3. “اعلامیہ ءِ قبول ءُ برآمد ءِ درخواست” ءِ سر ءَ کلک کن اِت۔

نوٹ: اگاں شمئے کرّا WP.org اکاؤنٹ ھست گڑا شمئے اکاؤنٹ ءَ گوں لوٹ ءَ ھمگرنچ کنگ ءِ ھاترا دیم دیگ ءَ پیسر لاگ ان کنگ ءِ سوج دیگ بیت۔

ذاتی زانتکاری ئے رکینگ

ما شمئے ذاتی زانتکاریاں وتی سسٹم ءِ سر ءَ ایوک ءَ ھما وھد ءَ برجاہ داریں کہ مارا لوٹ اِیت، پہ ورڈپریس اوپن سورس پروجیکٹ ءِ سوبمندی ءُ ھما پروگراماں کہ WordPress.org ءِ حمایت ءَ کن اَنت۔ ما رابطہ ءِ زانتکاری (چوکہ میلنگ لسٹ ءِ زانتکاری) ءَ ھما وھد ءَ داریں کہ یک کارمرز کنوکے چہ وتی لائیو سسٹم ءَ ھما زانتکاری ءَ ھلاس کنگ ءِ لوٹ ءَ بہ کنت۔ اگاں شما میلنگ لسٹ ءَ چہ ان سبسکرائب کنگ ءِ فیصلہ کن اِت گڑا ما شمئے بابت ءَ لہتیں محدودیں زانتکاریاں وتی دست ءَ داریں دانکہ ما شمئے لوٹ ءِ احترام ءَ بہ کنیں۔

WordPress.org چہ لاگ یا ریکارڈاں کہ WordPress اوپن سورس پروجیکٹ ءِ کارمرز کنگ، دیمروئی یا آرکائیو ءِ ھاترا المی انت، ذاتی ڈیٹا ءَ حذف نہ کنت۔

WordPress.org 3 سال ءِ واستہ WordCamp ءِ حاضرین ءِ ڈیٹا ءَ برجاہ دار ایت کہ کمیونٹی ءِ دیمروئی ءَ شرتر ٹریک ءُُ دیمروئی بہ کنت ، ءُُ پدا رجسٹریشن ءِ وسیلہ ءَ یکجاہ کتگیں غیر ضروری ڈیٹا ءَ وت ماں وت حذف کنت۔ حاضرین ءِ نام ءُ ای میل ایڈریس غیر معینہ مدت ءَ برجاہ دارگ بنت، ضابطہ اخلاق ءِ رپورٹانی جواب دیگ ءِ مئے صلاحیت ءِ حفاظت کنگ ءِ ھاتر ءَ۔

کمیونٹی پروگرام یا ایپلی کیشنز یا ہمے وڑیں جائزہ ورک فلو ءِ بہر ءِ رد ءَ پیش کتگیں ڈیٹا ، اے آئی ٹولز ءِ نیمگ ءَ کارمرز بوتگیں ہچ وڑیں ڈیٹا ءَ ھوار ، ھما وھد ءَ برجاہ دارگ بیت کہ ھما وھد ءَ کہ ھما پروگرام ءِ انتظام کنگ ءِ ھاتر ءَ المی اِنت۔ پروسیسنگ ءِ وھد ءَ اے آئی سروس پروائیڈرز ءِ گوما شیئر کتگیں ڈیٹا ءِ سرا ڈیٹا پروسیسنگ ءِ معاہدے ءِ تہا برقرار دارگ ءِ حدود ءِ تابع انت۔

WordCamp.org سائٹانی سرا، زرّ ءِ واپسی ءِ درخواست ءِ بہر ءِ رد ءَ یکجاہ کتگیں بینکنگ / مالیاتی ڈیٹا چہ WordCamp.org ءَ 7 روچ ءَ پد درخواست ءِ نشان ءِ سرا ادا کنگ بیت۔ روچ ءِ برقرار دارگ ءِ مدت ءِ سبب ایش انت کہ اگاں تار ناکام بہ بیت یا اگاں ادائیگی ءِ سرا ردیں رنگ ءَ “ادا” ءِ نشان جتگ گڑا منتظمین ءَ وتی بینکنگ ءِ تفصیلات دوبارہ داخل کنگ ءَ چہ رکّینگ بہ بیت۔ ورڈ کیمپ ءِ ھرچ ءُ درچ ءَ گوں سیادی داروکیں انوائس ءُ رسید کیلنڈر سال ءِ آڈٹ ءِ بند بوھگ ءَ پد 7 سال ءَ برجاہ دارگ بنت، مئے مالیاتی مشیر (آڈیٹر ءُ بک کیپر) ءِ ہدایت ءِ رد ءَ۔

وھدے کہ حذف کنگ ءِ لوٹ کنگ بیت یا دگہ وڑیں لوٹ کنگ بیت گڑا ما ڈیٹا ءِ مضمونانی ڈیٹا ءَ گمنام کنیں ءُُ / یا آہانی زانتکاری ءَ چہ سرکاری رسائی ءِ سائٹاں ہلاس کنیں اگاں ڈیٹا ءِ حذف کنگ ءَ چہ المی سسٹم ٹوٹ ایت یا ورڈپریس اوپن سورس پروجیکٹ ءِ آپریشن، دیمروئی یا آرکائیو ریکارڈ ءِ ھاتر ءَ المی لاگ یا ریکارڈ ءَ را تاوان رسیت۔

اگاں شما وتی اکاؤنٹ ءُ ھمگرنچیں ڈیٹا ءِ ھلاس کنگ ءِ لوٹ کنگ لوٹ اِت گڑا اے گامگیجاں بہ زیر اِت:

  1. https://wordpress.org/about/privacy/data-erasure-request/ ءِ تر ءُ تاب ءَ بہ کن اِت۔
  2. وتی ای میل ایڈریس ءَ درج کن اِت۔
  3. “اعلامیہ ءِ منّگ ءُ دائمی اکاؤنٹ ءِ حذف کنگ ءِ لوٹ” ءِ سر ءَ کلک کن اِت۔

نوٹ: اگاں شمئے کرّا WP.org اکاؤنٹ ھست گڑا شمئے اکاؤنٹ ءَ گوں لوٹ ءَ ھمگرنچ کنگ ءِ ھاترا دیم دیگ ءَ پیسر لاگ ان کنگ ءِ سوج دیگ بیت۔

شمئے زانتکاری ءِ سلسلہ ءَ حق

شمئے باروا مئے دست ءَ بوتگیں ذاتی زانتکاری ءِ سلسلہ ءَ ڈیٹا ءِ رکھینگ ءِ قانون ءِ رد ءَ شما لہتیں حق ءُُ حقوق ءِ واھند بوت کن اِت۔ خاص، ترا اے حق بوت کنت کہ:

  • چہ وتی ذاتی زانتکاریانی کاپی ءِ لوٹ کنگ کہ مئے گور ءَ تئی باروا اِنت؛
  • جست کن کہ ما شمئے بابت ءَ ھما ذاتی زانتکاری ءَ اپ ڈیٹ بہ کنیں یا ھما ذاتی زانتکاری ءَ کہ شمئے ھیال ءَ رد یا نا سرجم اِنت آزاتیں رنگے ءَ راست بہ کنیں؛
  • جست کن کہ ما چہ لائیو سسٹماں شمئے باروا ھما ذاتی زانتکاریاں گار کنیں یا ھما راہ ءَ بندش جنیں کہ ما اے وڑیں ذاتی زانتکاری ءَ کارمرز کنیں (آرکائیو ءَ چہ گار کنگ ءِ بابت ءَ زانتکاری ءِ ھاتر ءَ “ذاتی زانتکاری ءِ برجاہ دارگ” ءِ بہر ءَ بچار اِت)؛
  • شمئے ذاتی زانتکاریانی مئے کارمرز کنگ ءِ سرا اعتراض کن اِت؛ ءُ / یا
  • وتی ذاتی زانتکاری ءِ مئے کارروائی ءِ سرا وتی رضامندی ءَ پچ گرگ (اے حد ءَ کہ اے وڑیں کارروائی رضامندی ءِ بنیاد ءَ اِنت ءُ رضامندی کارروائی ءِ ھاتر ءَ یکیں جائزیں بنیاد اِنت)۔

اگاں شما اے ھکاں کارمرز کنگ لوٹ اِت یا سرپد بہ بئے کہ اے ھک شمئے سر ءَ کار کن اَنت یا نہ، گڑا اے رازداری ءِ بیان ءِ گُڈّی بھر ءَ داتگیں رھبندانی سر ءَ عمل بہ کن اِت۔

سیمی پارٹی ءِ لنک

مئے ویب سائٹ ءِ تہا دگہ ویب سائٹانی لنک بوت کنت کہ سیمی پارٹیانی نیمگ ءَ داتگ انت کہ مئے کنٹرول ءِ چیر ءَ نہ انت۔ لنک ءِ رندگیری کنگ ءُ سیمی پارٹی ءِ ویب سائٹ ءَ زانتکاری دیگ ءِ وھد ءَ ، مہربانی ءَ سرپد بہ بئے کہ ما ھما سیمی پارٹی ءَ داتگیں ڈیٹا ءِ ذمہ وار نہ ایں ۔ اے رازداری ءِ پالیسی ایوک ءَ ھما ویب سائیٹانی سر ءَ کار کنت کہ اے دستاویز ءِ بندات ءَ ھوار اَنت، پمیشکا وھدے کہ شما دگہ ویب سائیٹاں رو اِت، ھما وھد ءَ ھم کہ شما WordPress.org ءِ سر ءَ شنگ بوتگیں لنک ءِ سر ءَ کلک کن اِت، گڑا شما آھانی وتی رازداری ءِ پالیسی ءَ بہ وان اِت۔

جمع کتگیں آمار

WordPress.org وتی ویب سائٹانی زائرین ءِ رویہ ءِ بابت ءَ اعداد و شمار جم کنت۔ چوناھا WordPress.org ءَ اے گپ پدر بوت کنت کہ ورڈپریس ءِ یک خاصیں ورژن ءِ چنچو رند ءَ ڈاؤن لوڈ کنگ بوتگ یا رپورٹ کنگ بیت کہ کجام پلگ ان گیشتر شنگ ءُ تالان انت، اے ڈیٹا ءِ بنیاد ءَ کہ  api.wordpress.org ءِ نیمگ ءَ یکجاہ کنگ بوتگ، اے ویب سروس ورڈپریس ءِ انسٹالیشنانی نیمگ ءَ ورڈپریس ءِ نوکیں ورژن ءُ پلگ ان ءِ چیک کنگ ءِ ھاترا کارمرز کنگ بیت۔ البت، WordPress.org چہ اے پالیسی ءِ تہ ءَ بیان کتگیں ھالاں ابید دگہ ذاتی شناخت ءِ ھالاں شنگ نہ کنت۔

کوکیز

ایشانی ھوار ءَ مئے ویب سائیٹ ءِ کارمرز کنگ ءِ رھبند ءِ بابت ءَ ھم زانتکاری ”کوکیز“ ءِ کمک ءَ وت ماں وت جم کنگ بیت۔ کوکیز ٹیکسٹ فائل انت کہ شمئے کمپیوٹر ءِ سرا ایر کنگ بنت کہ آ معیاری انٹرنیٹ لاگ ءِ زانتکاری ءُ زائرین ءِ رویہ ءِ زانتکاری ءَ یکجاہ بہ کن انت۔ اے زانتکاری پہ ویب سائیٹ ءِ وزیٹرز ءِ کارمرز کنگ ءِ رندگیری کنگ ءُ ویب سائیٹ ءِ کارانی بابت ءَ آماری رپورٹانی جوڑ کنگ ءَ کارمرز کنگ بیت۔

WordPress.org ءِ سر ءَ کجام کوکیز جم کنگ بنت ، اے بابت ءَ گیشتر زانگ ءِ ھاتر ءَ   مئے کوکی پالیسی ءَ بچار اِت۔

رازداری ءِ پالیسی ءِ بدلی

اگرچہ گیشتریں بدلی ءِ امکان کسانیں بوتگ، WordPress.org وتی رازداری پالیسی ءَ وھد وھد ءِ سر ءَ بدل کنت، ءُ WordPress.org ءِ یکیں صوابدید ءِ سرا۔ WordPress.org زائرین ءَ را ترغیب دنت کہ آ وتی رازداری پالیسی ءِ تہا ہچ وڑیں بدلی ءِ ھاتر ءَ اے پیج ءَ باز براں چیک بہ کن انت۔ اے رازداری پالیسی ءِ تہا ہچ وڑیں بدلی ءِ پد ءَ تئی اے سائٹ ءِ برجاہ کارمرز کنگ ءِ سبب ءَ تئی اے بدلی ءِ منگ ءِ سبب جوڑ بیت۔

نزیکی

نوٹ کن اِت کہ ما دگہ ویب سائیٹانی بابت ءَ کمک یا زانتکاری دات نہ کنیں، ایشانی تہا ھما ھم ھوار اَنت کہ ورڈپریس اوپن سورس سافٹ ویئر ءِ سر ءَ کار کن اَنت بلے سیمی مردمانی نیمگ ءَ میزبانی کنگ بنت۔

ما سائٹ ءِ مالک یا نبشتہ کار ءَ گوں براہ راست رابطہ کنگ ءِ سوج دیئگ ءَ ایں ۔ سائٹ ءِ میزبان یا ڈومین رجسٹرار ءِ بابت ءَ گیشتر زانگ ءِ ھاتر ءَ شما اے ٹولزاں کارمرز کن اِت:

اگاں شمئے رازداری ءِ پالیسی یا شمئے بابت ءَ مئے گور ءَ ھستیں زانتکاریانی بابت ءَ ھچ جُست ءُ پُرس ھست گڑا مارا dpo@wordpress.org ءِ ای میل کنگ ءَ گوں رابطہ بہ کن اِت۔

کریئٹیو کامنز لائسنس